مقارنة بين ثورتين

سلام عليكم

شلونكم اخوان انشاء الله بخير عندي استفسار وهم مقارنة ثورة مصر الاخيرة اطاحت بحكم طال لمدة ثلاثين سنة طبعا مصر دولة عربية كبيرة بس لو نجي انقارن بين انجازات مصر والعراق نشوف انجازات مصر اكثر مع العلم مصر بيها اكثر من ثمانين مليون نسمة والعراق يكولون ثلاين مو مشكلة شكد العدد بس خل نقارن بالثروات العراق يمتلك ثروات من نفط وغاز وكبريت ومياه وارض خصبة وسياحة وبعد وبعد
بس شعبنا فقير وبلدنا مابيه اي اعمار اكثر البنى التحتية الي موجودة هسة بالعراق هية من عقود واحتمال حتى موجودة من ايام الملكية ومناطق في بغداد حتى مجاري ما بيها ونسبة التعليم جدا منخفظة وبالمحافظات ماء صالح للشرب ماكو زين مو اذا انقارن بالثروات لازم احنا نكون على الاقل دولة مكتفية ذاتيا اشو حتى الزراعة دنستوردها فواكه وخضروات اجنبية وين الخلل برأيكم بالقادة لو بينا احنا الشعب
بينا يكول هذا الشعب يستاهل وبينا الي يكول محد حكمنا بعدل كلهم حرامية زين شنو الحل اذا طلعنا يوم خمسة وعشرين شباط شنو راح نطلب لو شنو نغير ضد منو نتضاهر الصراحة اني لو اروح ما اعرف ضد منو لان الكل هما نفسهم الي انتخبناهم واصلا احنا انتخبنا ناس منعرفهم
بس احنا طبقنا المثل الي يكول وياكم على الواهس اذا صدك شباب العراق يريدون تغير لازم يبدأن من الصفر يعني الدستور وقانون الحكم بالعراق اني اشوف قانون الحكم الي موجود بالعراق وهم النظام البرلماني هوه سبب تتدوهر العراق لان البلمان العراقي خله الشعب العراقي كله يتحزب كل واحد راح ينحاز للجهة الي ينتمي الها بدون اي طلب وهذا السي الي خلانا منتفق على اي شي واي رأي يصدر ضد اي اقتراح نشوفه مضاد للديمقراطية او قرار مو من مصلحة الشعب النظام البرلماني ناجح بكل الدول بس دولتنا مختلفة هذا واقعنا مو ايد وحدة فيا ترى الشباب راح يوحدونا وشنو عدهم صورة للمستقبل شلون راح نوكف من جديد يا ريت تتحقق الاحلام بس اكثر الاحلام متتحقق بس حبيت اكول اني ويه كل شي وية مصلحة العراق بس صدك احنا نعرف مصلحة العراق اتمنى انه يطلعنا واحد ويهتم بمصلحتنا

ابو الهيل

» مقارنة بين مسي ورينالدو